Komite Konfederaleko Idazkaritza Iraunkorraren komunikatua

Granollers, 2024ko azaroaren 2a.

DANAren hondamendiak agerian utzi du langile klaseak XXI. mendean aurre egin behar dion errealitate gordina: geure burua baino ez daukagu egiaren garaian.

Oraindik ere hildakoen eta desagertutakoen kopuruak asimilatzea ezinezkoa denean, eta, bestalde, orduka handitzen jarraitzen dutenean, biktimekiko, haien familiekiko eta hondamendiak suntsitutako biztanleekiko elkartasun- eta anaitasun-mezu bat baino ezin dugu bidali. Elkartasun hori, gizateriak bere historian zehar egin duen bezala, herriarengandik eta herriarentzat sortzen ari da dagoeneko, gobernuei eta administrazioei itxaron gabe.

Militantzia konfederalari eta langile-klase osoari dei egiten diegu une honetan beharrezko laguntza hori ematen jarraitzeko. Kaltetutako herrietako gure anai-arrebei, eta bereziki Valentzian, jakin ezazue CNT zuen esanetara dagoela.
 
CNTko Komite Konfederaleko Idazkaritza Iraunkorretik enpresari-klasea eta haren aliatuak kondenatzen ditugu gobernuan, hau da, herrialde honetako burgesia, hainbeste giza bizitza sakrifikatu baititu bere enpresa-onurak babesteko edo bere kudeaketa politikoaren lotsa estaltzeko. Gobernuaren ezintasun nabarmenari eta enpresa-klasearen berekoikeriari, bestalde, klima-aldaketaren estrategia ukatzaileak nola gehitu zaizkion ikusi dugu. Batzuk eta besteak hondamendi ekologikoa bera baino gehiago dira heriotzen erantzuleak.

Langileria, beste behin ere, Kapitalaren hondamendien biktima gara. Horregatik gara, era berean, miseria hori gainditzeko gai den mundu berri bat bere baitan duen klase bakarra. Orain ikusten ari gara, une honetan, auto-antolaketatik eta herriaren elkarlaguntzatik sortzen ari dela berriro.

CNTko militantziari eskatzen diogu prest egoteko eta sortzen diren tokiko ekimen guztiekin lankidetzan aritzeko. Guztion artean bultza egiteko ordua da, mundu berri hau behingoz eta betiko jaio dadin.